Ungmennafélag Grundarfjarðar

Á morgun 22 maí spilar Grundarfjörður sinn fyrsta leik í 3 deildinni í rúm 20 ár. Þá munu strákarnir skreppa á Sauðarkrók og mæta heimamönnum í Tindastól á Sauðarkróksvelli. Tindastóll féll úr 2 deildinni í fyrra og samkvæmt spá fotbolti.net þá munu þeir staldra stutt við í 3 deildinni því að þeim er spáð sigri í 3 deild. Það er því ljóst að strákarnir í Grundarfjarðarliðinu ráðast ekki á garðinn þar sem hann er lægstur og væntanlega verður mikill hasar á morgun kl 14:00 þegar leikurinn byrjar.

Við óskum strákunum okkar góðs gengis á morgun.

Sundnámskeið

Fyrirhugað er að halda sundnámskeið fyrir börn fædd 2003-2004 dagana 14.-18. júní, ef næg þátttaka fæst.  Námskeiðið verður 5 x 40 mínútur og  kostar 4.000 kr. sem greiðist í fyrsta tíma., en Grundarfjarðarbær greiðir niður hluta námskeiðsins

Sundkennarar verða Ásdís og Inga Magný og fer skráning fram hjá þeim.  Tímasetning námskeiðsins verður auglýst síðar.

Vonumst til að sjá sem flesta J

Kveðja,

Ásdís: 899-3942

Inga Magný: 862-2985

Síðasti tími í blaki hjá krökkunum er fimmtudaginn 29 apríl.  En viljum við minna þá krakka sem fóru á blakmótið um daginn að skila búningum ef þau eru ekki búin að því.  Sjáumst svo hress í blaki eftir sumarfrí.

Kveðja

Stjón UMFG

Helgina 17- 18 apríl  var farið á seinni hluta Íslandsmóts í krakkablaki sem fram fór í Digranesi í Kópavogi. Það voru 16 vaskir krakkar sem mættu til leiks.  Þar sem UMFG sendi ekkert lið á fyrra mótið sem haldið var í október og nóvember 2009 sem haldið var á Neskaupstað höfðum við ekki möguleika á Íslandsmeistaratitli í ár.  En nú fóru 3 lið frá UMFG og stóðu þau sig öll með sóma.  Þetta voru 7 krakkar sem spiluðu í 5 fl. mix og unnu sína leiki, 4 fl. stúlkur og lentu þær í 3 sæti í sínum flokk á þessu móti og svo 4 fl. drengja.  Viljum við óska þeim til hamingju því þessir krakkar voru prúð og stillt og  öll til fyrirmyndar.  Og viljum við þakka Aðalsteini þjálfara fyrir veturinn.

Kveðja

Blakráð UMFG