Ungmennafélag Grundarfjarðar

Þálfai í öllum aldurshópum er Kristín Halla Haraldsdóttir 899 3043

Á æfingum hjá yngsta hópnum eru kenndir leikir sem fela í sér sjálfstæða hugsun, þol, liðleika og grunnhreyfingar fyrir áframhaldandi þjálfun. Þeim er kennd undirstaða í flestum þeim greinum sem þau gætu æft seinna meir s.s. spretthlaup, langstökk með og án atrennu, kúluvarp og hástökk.  Einnig er leitast við að kenna þeim grunnreglur greinana.

Hjá 9 – 10 ára er farið meira í tækni og gerðar kröfur um að þau fari að geta gert ákv hluti s.s. háar hnélyftur, valhopp á ýmsa vegu, geta hoppað ákv vegalend skammlaust á hægri/vinstri fæti.  Einnig er farið yfir allar greinarnar og þau látin hjálpa til við mælingar til að þau læri reglurnar en betur.

11 ára og eldri eru látin gera tækni og meiri hlaup á annarri æfingunni en hinni er farið í æfingar með áhöldum og er þá yfirleitt skipt í hópa og látin fara milli stöðva.  Flest þeirra hafa æft í mörg ár og geta því aðstoðað þá sem eru nýbyrjaðir að æfa.